Չինաստանը խստորեն դատապարտում է ԱՄՆ-ի հարվածը Իրանի միջուկային օբյեկտներին։ Համապատասխան հայտարարությունը հրապարակել է Չինաստանի ԱԳՆ մամուլի ծառայությունը։
«Չինաստանը խստորեն դատապարտում է ԱՄՆ-ի հարվածը Իրանին և ՄԱԳԱՏԷ-ի հսկողության տակ գտնվող միջուկային օբյեկտներին»,- նշել է երկրի ԱԳՆ-ն։
Հայտարարության մեջ նշվում է նաև, որ Վաշինգտոնի գործողությունները «լրջորեն խախտում են ՄԱԿ-ի կանոնադրության և միջազգային իրավունքի նպատակներն ու սկզբունքները և խորացնում լարվածությունը Մերձավոր Արևելքում»:
Չինաստանի ԱԳՆ-ն նաև կոչ է արել շահագրգիռ կողմերին «որքան հնարավոր է շուտ դադարեցնել կրակը՝ ապահովելու խաղաղ բնակիչների անվտանգությունը և սկսել երկխոսությունը», բացի այդ ընդգծել է Չինաստանի պատրաստակամությունը «աշխատելու միջազգային հանրության հետ՝ համատեղ պաշտպանելու արդարությունը և վերականգնելու խաղաղությունն ու կայունությունը Մերձավոր Արևելքում»։
