«Քաղաքացիական պայմանագիր» խմբակցության պատգամավոր Հրաչյա Հակոբյանը պնդում է, որ գործարար Սամվել Կարապետյանի նկատմամբ քաղաքական հետապնդում չի իրականացվում: Ըստ նրա՝ յուրաքանչյուր ոք պետք է հաշիվ տա իրեն, թե ինչ է խոսում, ինչպես է արտահայտվում:
Հակոբյանը հարց է հնչեցնում՝ այդ ինչից հետ չեն կանգնելու, իրենց կռիվը ինչի կա ում հետ է:
Անդրադառնալով Սամվել Կարապետյանի՝ իր համակիրներին ուղղած կոչին, թե «դաս տվեք սրանց»՝ պատգամավորն ասում է՝ պետությունը այնպիսի դաս կտա, որ անընդհատ կկրկնեն:
Վերջինիս խոսքով՝ այս մարդիկ չեն հասկանում դեռ, որ Հայաստանն այլևս այլ երկրներից ցուցում չի ստանում, թե ինչ անի:
Իշխող ուժի անդամն ասում է՝ Հայաստանի Հանրապետության իրավապահ մարմինները պետք է ամենախիստ և կոշտ միջոցներով ապահովեն երկրի անվտանգությունը:
Մեկնաբանելով Կարապետյանների այն հայտարարությունները, թե իշխանությունը «մասկի շոու է անում»՝ Հակոբյանն ասում է՝ Սամվել Կարապեպտյանն է «մասկի շոու» անում՝ այդքան մարդ հավաքելով իր բակում, եղբայրն էլ՝ գահին նստած:
Առավել մանրամասն՝ «Հայկական ժամանակ»-ի հետ հարցազրույցում:
