![]()
Ազգային ժողովի «Քաղաքացիական պայմանագիր» խմբակցության պատգամավոր Սերգեյ Բագրատյանի խոսքով՝ պատմության դասեր են ուզում տալ մարդիկ, որոնք Հայաստանում չեն բնակվում:
Այս մասին նա ասում է «Հայկական ժամանակ»-ի հետ զրույցում՝ անդրադառնալով «Տաշիր Գրուպ» ընկերության սեփականատեր Սամվել Կարապետյանի այն հայտարարություններին, թե «մի փոքրիկ խմբակ, մոռանալով հայոց պատմությունը, հայ եկեղեցու հազարավոր տարիների պատմությունը, հարձակվել է հայ եկեղեցու վրա, հայ ժողովրդի վրա»:
Ըստ Կարապետյանի՝ ինքը միշտ եղել է հայոց եկեղեցու և հայ ժողովրդի կողքին։ Մեծահարուստ գործարարը սպառնացել է, թե եթե քաղաքական գործիչներին չհաջողվի, ապա իրենք իրենց ձևով են միջամտելու եկեղեցու դեմ արշավին:
Ըստ նրա՝ Սամվել Կարապետյանը առաջնորդվում է նրանով, որ մտերիմ հարաբերություններ ունի Գարեգին Բ-ի հետ և դրա համար է ստանձնել նրա պաշպանությունը:
Բագրատյանը պնդում է՝ ժողովրդի ընտրած իշխանության դեմ ոչինչ անել հնարավոր չէ, հակառակ դեպքում՝ նշանակում է քայլ անել ժողովրդի դեմ:
Պատգամավորը կարծում է, որ պետք է ոչ թե միակողմանի հայտարարություններ անել, այլ համերաշխության կոչեր հնչեցնել. միակողմանի հանդես եկողները ճակատագրական սխալ թույլ կտան:
Իշխող ուժի անդամը նշում է՝ իշխանությունը Եկեղեցուն չի թիրախավորել. պետք չէ որոշ հոգևորականների ասոցացնել ամբողջ Եկեղեցու հետ:
Նա նկատում է, որ մաֆիոզ կլաններն են ստիպել, որ Կտրիճ Ներսիսյանին ընտրեն կաթողիկոս:
Առավել մանրամասն՝ հարցազրույցում:
![]()