Հիդրոօդերևութաբանության և մոնիթորինգի կենտրոնի տնօրենի տեղակալ Գագիկ Սուրենյանը «Ֆեյսբուք»-ի իր էջում մայիսի 5-ին տեղացած անձրևները որակել է որպես «Ռեկորդային տեղատարափ»:
«Մայիսի 5-ին Արտաշատ համայնքում 4 ժամվա ընթացքում թափվել են ամսական նորմայից 1,5 անգամ ավել տեղումներ (58 մմ)»,- գրել է նա:
Ավելի վաղ հայտնել էինք, որ ակտիվ ցիկլոնի գործունեությամբ պայմանավորված՝ մայիսի 5-ին հանրապետության ողջ տարածքում դիտվել են ամպրոպային բնույթի հորդառատ անձրևներ, առանձին հատվածներում նաև կարկուտ։
