Իրանի հյուսիսարևելյան Ռազավի Խորասան նահանգում 5 մագնիտուդ ուժգնությամբ երկրաշարժ է տեղի ունեցել:
Երկրաշարժը գրանցվել է Ռաշթխար քաղաքում 10 կիլոմետր խորության վրա առավոտյան ժամը 5:00-ին։
Նյութական վնասը գնահատելու համար տարածք են գործուղվել գնահատման խմբեր։ Երկրաշարժը զգացվել է նաև մերձակա Խաֆ և Թորբաթ Հեյդարիե քաղաքներում։
Tasnim գործակալությունը հայտնում է, որ երկրաշարժից 19 մարդ է տուժել:
Նշվում է, որ էպիկենտրոնին մոտ գտնվող քաղաքներում առավոտյան երկրաշարժից փախչելիս 19 մարդ թեթև վնասվածքներ է ստացել։ Թեև վիրավորների թիվը ամենայն հավանականությամբ կաճի, սակայն վնասվածքները թեթև են, քաղաքացիների վիճակը բավարար է:
