Մերձմոսկովյան Բալաշիխայում ավտոմեքենայի պայթյունի հետևանքով զոհվել է գլխավոր շտաբի գլխավոր օպերատիվ վարչության պետի տեղակալ Յարոսլավ Մոսկալիկը:
Այս մասին հայտնում են Ռուսաստանի քննչական կոմիտեից:
Գեներալ-լեյտենանտ Իգոր Կիրիլովից հետո, որը պայթյունի հետևանքով մահացել էր Մոսկվայում՝ 2024 թվականի դեկտեմբերին, նա ամենաբարձրաստիճան ռուս զինվորականն է, որը զոհվում է Ուկրաինայում ընթացող պատերազմի ժամանակ։
ՏԱՍՍ լրատվական գործակալությունը, հղում անելով արտակարգ ծառայություններին, հայտնել է, որ պայթյունը տեղի է ունեցել ինքնաշեն պայթուցիկ սարքի պատճառով։
