Հնդկաստանում ՀՀ դեսպան Վահագն Աֆյանը Կալկաթայի Սբ․ Նազարեթ եկեղեցում Հայոց ցեղասպանության 110-րդ տարելիցի կապակցությամբ մասնակցել է Հնդկահայոց հոգևոր հովիվ Տ. Տաճատ վարդապետ Ծատուրյանի հանդիսապետությամբ և Տ. Պետրոս քահանա Կադեյանի կողմից մատուցված Հայոց ցեղասպանության սուրբ նահատակների բարեխոսական կարգին:
Ինչպես հայտնում են դեսպանությունից, արարողությունից հետո ներկաները ծաղիկներ են խոնարհել եկեղեցու բակում գտնվող Հայոց ցեղասպանության զոհերի հիշատակին նվիրված և Հնդկաստանի տարածքում միակը համարվող հուշարձանին:
Օրվա ոգեկոչման կապակցությամբ հարգանքի տուրք է մատուցվել նաև Չեննայի Սբ. Մարիամ Աստվածածին եկեղեցում՝ ՀՀ պատվավոր հյուպատոս Շիվկումար Էաշվարանի կողմից:
