Առնվազն 27 մարդ է զոհվել, 12-ը՝ վիրավորվել Հնդկաստանի հյուսիսային Ջամու և Քաշմիր շրջանում տեղի ունեցած ահաբեկչության հետևանքով:
Այս մասին գրում է Ria.ru-ն:
Զինված անձինք հանգստավայրերից մեկում հարձակվել և կրակել են զբոսաշրջիկների վրա:
Նշվում է, որ հարձակման պատասխանատվությունը ստանձնել է «Դիմադրության ճակատ» կոչվող խմբավորումը։ Երկու-երեք զինված տղամարդ անկանոն կրակ են բացել ձիավարությամբ զբաղվա զբոսաշրջիկների վրա։ Հարձակումը տեղի է ունեցել Բայսարան հովտում, որը հայտնի է իր անտառներով, մաքուր լճերով ու մարգագետիններով և զբոսաշրջության հայտնի վայր է:
Բոլորը եղել են Հնդկաստանի քաղաքացիներ:
