Սև կոստյումով, առանց խաչ կրծքանշանի և բարձր տրամադրությամբ Գյումրու նախկին քաղաքապետ Վարդան Ղուկասյանը, ով 13 տարի անց կրկին նույն աթոռին է, երդմնակալությամբ ստանձնեց պաշտոնը:
Շիրակի թեմի առաջնորդ Միքայել արքեպիսկոպոս Աջապահյանն «Հայր մեր»-ն ասաց, այնուհետ հնչեց ՀՀ օրհներգը:
Վարդան Ղուկասյանը մոտեցավ ամբիոնին և երդվեց իրպատրավորություններն իրականացնելիս պահպանել ՀՀ սահմանադրությունն ու օրենքները, համայնքի ավագանու որոշումները:
«Ազնվորեն և բարեխղճորեն կատարել համայնքի ղեկավարի լիզարությունները: Ծառայել քաղաքի բարգավաճմանը, գործել ի բարօրություն բնակիչների: Պարտավորվում եմ պաշտպանել քաղաքի իրավուքնները, օրինական շահերը և սեփականությունը:
Ուժերիս անմնացորդ նվիրումով սատարել ժողովրդիս հավատին, նպաստել նրա նյութական և հոգևոր վերելքին»,- ասաց Վարդան Ղուկասյանը:
Այնուհետ Վարդան Ղուկասյանին հանձնվեցին խորհրդանիշեր լանջաշղթան և բանալին:
Երդմնակալության արարողությանը ներկա չէին «Քաղաքացիական պայմանագիր»-ը և «Մեր քաղաքը» դաշինքը:
