Գյումրու ավագանու «Քաղաքացիական պայմանագիր» խմբակցության ղեկավար Քնարիկ Հարությունյանը «Ֆեյսբուք»-ի իր էջում անդրադարձել է Մարտուն Գրիգորյանի կողմից ավագանու մանդատից հրաժարվելու որոշմանը:
«Մարտուն Գրիգորյանը նախընտրեց պատգամավորի տաքուկ աթոռը:
Այսինքն կրկին եղավ այն, ինչ մենք ասում էինք ուղիղ իմաստով և առանց տողատակերի:
Քարոզարշավի ժամանակ ելույթներով Գյումրին կառուցող, ղեկավարելու պատրաստ Մարտուն Գրիգորյանը, ի սկզբանե պարզ էր, որ իրեն չի տեսնում գյումրեցու կողքին: Նաև պատրաստ չէ պատգամավորի «չաղ ու յուղալի» պատառը փոխարինել ավագանու չվարձատրվող աշխատանքով:
Իր ինքնաբացարկով նա դավաճանեց նաև սեփական թիմին՝ իրեն ազատելով Վարդան Ղուկասյանին քաղաքապետ դարձնելու և նրա հետագա բոլոր գործողությունների պատասխանատվությունը կրելու բեռից»,- գրել է Հարությունյանը:
Հիշեցնենք՝ Մարտուն Գրիգորյանը Գյումրի համայնքի ավագանու անդամության իքնաբացարկ է հայտնել:
