Օրեր առաջ Կառավարության նիստի ժամանակ վարչապետ Նիկոլ Փաշինյանը նկատել էր՝ երկրում կադրային ճգնաժամ է:
Վարչապետը գլոբալ խնդրի մասին էր խոսում, բայց «Քաղաքացիական պայմանագիր» խմբակցության քարտուղար Արթուր Հովհաննիսյանի խոսքով` կուսակցությունը ևս հետ չի մնացել այդ պրոցեսից։
Վերջինս «Հայկական ժամանակ»-ի հետ զրույցում պարզաբանում է՝ կուսակցությունում փորձում են շարքերն ամրացնել գաղափարական իմաստով, որ կուսակցությունը համալրվի մասնագիտական բարձր որակավորում ունեցող անձանցով։
Հովհաննիսյանն ընդգծում է, որ «Քաղաքացիական պայմանագիր»-ը չունի կադրային այն լուրջ ճգնաժամը, ինչպես ընդդիմադիրներն են պնդում։
Ընդհանուր առմամբ՝ «Քաղաքացիական պայմանագիր»-ը վարում է այնպիսի քաղաքականություն, որ ունենա որակյալ և արժեքային հենքի վրա գտնվող կուսակցականներ, ասում է Հովհաննիսյանը։ Այս առումով կարևորվում է կուսակցության վարչության անդամների ընտրությունը, սեպտեմբերին ներկուսակցական պայքար կմղվի վարչության ընտրությունների կոնտեքստում։ Նոր անդամները կարող են առաջադրվել կամ ինքնառաջադրվել։
2026 թվականին ընդառաջ Արթուր Հովհաննիսյանը համոզմունք է հայտնում՝ կադրային իմաստով լավ ցուցակ են ունենալու։
Առավել մանրամասն՝ ռեպորտաժում։
