«Դուք էլ, եթե զզվում եք ԼԳՏԲ-ից, եկեք կողքս կանգնեք, դուք տեսեք, թե ես ինչ կանեմ ԼԳՏԲ-ի գլխին»:
Այս մասին այսօր հրավիրված հետընտրական ասուլիսի ժամանակ ասել է Կոմունիստական կուսակցության Գյումրու քաղաքապետի թեկնածու Վարդան Ղուկասյանը, որը ստացած ձայներով երկրորդ տեղում է:
Այս մասին նա խոսել է առանձին թեկնածուների մասին իր անդրադարձում՝ նշելով, թե «Եվրադաշինք» կուսակցությունն ու այդ կուսակցության թեկնածու Լևոն Բարսեղյանը ԼԳԲՏ քարոզչությունն են ապահովում:
Նա հավելել է, որ երբեք չի ընդունի նման մարդկանց հոսքը Հայաստան կամ ներկայությունը Հայաստանում:
«Եթե հայոց եկեղեցին Եվրոպայի պես միասեռականներին ամուսնություն անի, ես բարձրաձայն ասում եմ՝ եկեղեցու մեջ կգնդակահարեմ էդ քահանային, եթե հանկարծ էդպիսի բան անի։ Ես բարձրաձայն ասում եմ, էդպես էլ կհանձնվեմ, կասեմ՝ տարեք, ինձ դատեք»,- հավելել է Ղուկասյանը:
