Գյումրիի Կոմունիստական կուսակցության քաղաքապետի թեկնածու Վարդան Ղուկասյանը հետընտրական ասուլիս է կազմակերպել, որի ժամանակ անդրադարձել է քաղաքապետի պաշտոնը ստանձնելու դեպքում ՀՀ իշխանության և վարչապետի հետ շփումներին:
Ղուկասյանն ասել է, որ «իրեն ճիշտ կպահի»:
«Քաղաքական առումով միանշանակ իրանց հետ չեմ, բայց․․․ Վարչապետը գալիս է Գյումրի, ինձ արարողակարգից ասում են՝ դիմավորեք, պարոն Ղուկասյան։ Եթե հանկարծ մի հատ սխալ բան տեսա էդ հարաբերությունների մեջ, միանշանակ երկրորդ անգամ չեմ գնալու, ձեռքս չեմ բարձրացնելու, չեմ բարևելու, երեսներին չեմ նայելու։
Իմ չափը ես միշտ պահելու եմ, սուբորդինացիան պահում եմ, իրենց էլ չհարգեմ, աթոռը կհարգեմ։ Դա ՀՀ վարչապետի աթոռն է»,- ասել է նա:
Հիշեցնենք՝ Վարդան Ղուկասյանի գլխավորած ուժը երկրորդ տեղում է հայտնվել ընտրությունների ադյունքների ամփոփմամբ, սակայն այդ ձայները քիչ են համայնքային իշխանությունը ստանձնելու համար:
Ղուկասյանին անհրաժեշտ է դաշինք կամ կոալիցիա կազմել ընդդիմադիր մյուս ուժերի հետ, որոնք կարողացել են հատել անցողիկ շեմը:
Ռուբեն Մխիթարյանն ու Կարեն Սիմոնյանն արդեն հայտնել են պատրաստակամության մասին, Վարդան Ղուկասյանը սպասում է Մարտուն Գրիգորյանի պատասխանին:
410 դիտում , 1 դիտում այսօր
