«Գյումրեցին իր քվեն տալու է ապագա 5 տարիներին զարգացող Գյումրի տեսնելու համար, մեր երեխաների համար, համերաշխ քաղաք ունենալու համար»:
Այս մասին ընտրական տեղամասում քաղաքացիական պարտքը կատարելուց հետո լրագրողների հետ զրույցում ասել է «Քաղաքացիական պայմանագիր» կուսակցության թեկնածու Սարևիկ Մինասյանը:
Նա նշել է, որ չի փոխվել, ոչ մի աթոռ և պաշտոն չի կարող փոխել իրեն:
«Ես իմ որդուն եմ խոսք տվել, որ մենք ունենալու ենք զարգացող Գյումրի, համերաշխ հասարակություն, գյումրեցիներն իրենց քվեարկությամբ ապացուցելու են դա»,- ասել է նա:
Անդրադառնալով իր և Մարտուն Գրիգորյանի միջև, ըստ ԶԼՄ-ներում արված հրապարակումների, տեղի ունեցած միջադեպին, Սարիկ Մինասյանը նշել է.
«Ինձ ապտակող չի ծնվել, Մարտուն Գրիգորյանը ասել է, որ նման միջադեպ չի եղել, հերքել է այդ տեղեկությունը, նման մանիպուլացիաներ մի տարածեք»,-ասել է նա՝ հավելելով, որ լրագրողների հետ կհանդիպեն վաղը՝ իր հաղթանակը նշելու:
558 դիտում , 1 դիտում այսօր
