ՀՀ ԱԳՆ-ն «X»-ի իր միկրոբլոգում ցավակցական ուղերձ է հղել Մյանմարում և Թաիլանդում տեղի ունեցած երկրաշարժի կապակցությամբ։
«Խորապես ցնցված ենք սարսափելի երկրաշարժի մասին լուրերից, որ տեղի է ունեցել Մյանմարում, Թաիլանդում և հարևան երկրներում, որի հետևանքով այդքան շատ զոհեր կան։
Մեր աղոթքները բոլոր տուժածների հետ են, մաղթում ենք այս աղետի հետևանքների շուտափույթ հաղթահարում»,- նշվում է ԱԳՆ հաղորդագրության մեջ:
Ավելի վաղ հայտնել էինք, որ Մյանմարում 7,7 և Բանգկոկում 6,4 մագնիտուդ ուժգնությամբ 2 երկրաշարժ է գրանցվել, փլուզվել են շենքեր, կան տուժածներ:
