Գյումրու ընտրություններին մասնակից 9-ը ուժերից 8-ը մարտի 27-ին Հանրային հեռուստաընկերության եթերում մեծ բանավեճի էին՝ ներկայացնելու իրենց նախընտրական ծրագրերն ու բովանդակային զրույց ունենալու գյումրեցու հետ, սակայն բանավեճը ընդդիմադիր թեկնածուները, մասնավորապես՝ Ռուբեն Մխիթարյանն այլ իմաստով էր հասկացել։
Վերջինս փորձում էր լարել իրավիճակը, սադրել, իր գլխավորած ուժի ծրագրերի մասին խոսելու փոխարեն հիշեց Լեռնային Ղարաբաղը՝ «Քաղաքացիական պայմանագիր» կուսակցության թեկնածուի հասցեին հնչեցնելով վիրավորանքներ։
Բանավեճին ներկա չէր Կոմունիստական կուսակցությունով առաջադրված՝ Գյումրու քաղաքապետի թեկնածու Վարդան Ղուկասյանը։
Ազգային ժողովի «Քաղաքացիական պայմանագիր» խմբակցության պատգամավոր, Գյումրիում քարոզարշավի ակտիվ մասնակից Էմմա Պալյանը, «Հայկական ժամանակ»-ի հետ զրույցում ամփոփելով կայացած բանավեճը, նկատում է՝ սա հերթական անգամ ապացուցեց, որ Գյումրու համար պայքարում են համայնքի մասին ընդհանրապես չմտածող ուժեր։
Պատգամավորն այն կարծիքին է, որ բանավեճում հաղթեց Սարիկ Մինասյանն իր զուսպ ու հավասարակշռված պահվածքով ու պատասխաններով, իսկ ընդդիմադիր ուժերը պարտվեցին։ Այն, որ Վարդան Ղուկասյանը բանավեճին ներկա չէր, ըստ Պալյանի, ապացույցն է այն բանի, որ «Քաղաքացիական պայմանագրի» թեկնածուի հետ Ղուկասյանը չի կարող բանավիճել։
Նա համոզմունք է հայտնում, որ ընդդիմադիր թեկնածուները գյումրեցիներից ձայն չեն ստանա։
Էմմա Պալյանը վստահեցնում է՝ իշխող ուժը Գյումրին շենացնելու է և զարգացնի:
Առավել մանրամասն՝ ռեպորտաժում
786 դիտում , 1 դիտում այսօր
