Գլխավոր դատախազը Ազգային Ժողովում ներկայացրեց Հովիկ Աղազարյանի նկատմամբ քրեական հետապնդում հարուցելուն համաձայնություն տալու մասին միջնորդագիրը: Ուշագրավ է, որ Հովիկ Աղազարյանի հրապարաված կոռուպցիոն գործի մեջ շեշտվում է նաև Հայկ Նազարյանի անունը։
Հավելենք նաև որ նույն Հայկ Նազարյանը, ով տևական ժամանակ հանդիսանում էր Քաղաքացիական Պայմանագիր կուսակցության անդամ, հեռացվել է կուսակցությունից։
Ի դեպ, Ararat24-ի տեղեկություններով տարատեսակ կոռուպցիոն ու սկանդալային պատմությունների մեջ հայտնվելով Հայկ Նազարյանը նաև ազատվել աշխատանքից։
Ստորև ներկայացված են Հովիկ Աղազարյանի կոռուպցիոն գործը, որում Հայկ Նազարյան հանդիսանում է միջնորդ։
2024 թվականի նոյեմբերի 27-ին, Հակակոռուպցիոն կոմիտեում ստացվել է Քննչական կոմիտեում քննվող թիվ 44-0090-23 քրեական վարույթն իրականացնող քննիչի հաղորդումը, որով փաստվել է, որ քրեական վարույթի ընթացքում իրականացրած թվային խուզարկության ժամանակ հայտնաբերվել են տեսաձայնագրություններ, որոնց ուսումնասիրությամբ պարզվել է, որ Արամ անունով քաղաքացին 2024 թվականի հունվարի 20-ին դիմել է Հայկ Նազարյանին՝ հայտնելով, որ 2021 թվականին մաս-մաս, ընդհանուր՝ 23․000 ԱՄՆ դոլար և 300․000 դրամ է տվել պաշտոնատար անձ հանդիսացող, Հայաստանի Հանրապետության օրենսդիր իշխանության ներկայացուցչին՝ իր օգտին գործողություններ կատարելու, այն է՝ իրավասու պետական մարմինների կողմից վթարային վիճակում գտնվող դպրոցը քանդելու թույլտվություն ստանալու, այդ հողատարածքի մի մասի վրա դպրոց կառուցելու, իսկ մյուս մասի վրա՝ պաշտոնատար անձ հանդիսացող, օրենսդիր իշխանության ներկայացուցչի օգնությամբ՝ բազմաբնակարան բնակելի շենք կառուցելու թույլտվություն ստանալու համար:
Աղբյուրը՝ http://ararat24news.am/
