«Քաղաքացիական պայմանագիր» խմբակցության պատգամավոր Արուսյակ Մանավազյանը ֆեյսբուքյան իր էջում անդրադարձել է Գյումրիում տեղի ունեցող գործընթացներին և գրել.
«Այն, ինչ տեղի է ունենում Գյումրիում վերջին օրերին, այն մասին է, որ գյումրեցին այլընտրանք չունի, քան կիրակի օրը ընտրություն կատարի՝ հին բարքերի, բռնության, սպառնալիքների և Ազատության միջև:
Հիշեցնենք, որ իրավապահները մտել են «Մայր Հայաստան» դաշինքի գրասենյակ և խուզարկել շտաբի պետ Արա Ոսկանյանի բնակարանն ու «Մայր Հայաստան» դաշինքի ընդհանուր գրասենյակը: Խուզարկվել են նաև Մայր Հայաստան դաշինքի համակիրներից և աջակիցներից մի քանիսի բնակարանները:
Հատուկ ջոկատայինները Գյումրիում խուզարկություններ են իրականացրել նաև Մարտուն Գրիգորյանի նախընտրական շտաբերում:
Գյումրիում իրականացված խուզարկությունների արդյունքում կան ձերբակալված անձինք:
«Հայկական ժամանակ»-ի տեղեկություններով՝ խուզարկությունները կապված են ընտրակաշառքի տրամադրման վերաբերյալ հրապարակված ձայնագրությունների հետ:
34 դիտում , 1 դիտում այսօր
