Կառավարությունն ընդունեց՝ համայնքների ենթակառուցվածքների զարգացմանն ուղղված սուբվենցիոն ծրագրերը համաֆինանսավորելու վերաբերյալ որոշման նախագիծը, որով առաջարկվում է համաֆինանսավորել 17 համայնքի 23 ծրագիր ընդհանուր 2 մլրդ 15 մլն դրամ արժեքով:
Վարչապետն անդրադառնալով թեմային նշեց, որ նախկինում Կառավարության նիստում քննարկվել է, որ դեպի Երևան բերող հիմնական մայրուղիներին զուգահեռ պետք է զարգացնեն նաև զուգահեռ մայրուղիները, որ այլընտրանքային ճանապարհ լինի:
2025-ին նախատեսվում է նաև ավարտել Կապան-Ծավ ավտոճանապարհի 15-րդ կմ-ից դեպի Նռնաձոր տանող 10,1 կմ երկարությամբ նոր ավտոճանապարհի կառուցման աշխատանքները. «Այս նախագիծն ունի նրբություն: Հիմա Նռնաձոր տանող ճանապարհի մեկ հաված համընկնում է նախկինում երկաթուղու գծերի հատվածի հետ և քանի որ մենք պլանավորում ենք տարածաշրջանային կոմունիկացիաների բացում, ըստ էության սա այդ աշխատանքների գործնական փուլն է: Այսինքն՝ ըստ էության, սա մեր «Խաղաղության խաչմերուկ» նախագծի իրականացման համար անհրաժեշտ նախապատրաստական աշխատանք է»:
Անդրադառնալով ճանապարհների կառուցմանը Փաշինյանն ասաց. «Կառուցելը կառուցել, բայց կառուցել և սովորելու տրամաբանությամբ պետք է առաջնորդվենք, որակի խնդիրները շարունակում են լինել մեր առաջնահերթությունների ցանկում: Ընդ որում մենակ որակը չէ, երբ որ ասում ենք ճանապարհ, իրա գծանշում, ճանապարհային նշաններ, ամեն ինչ պետք է լինի փաթեթով, այսինքն այն ճանապարհը, որտեղ գծանշում չկա, դա դեռ ճանապարհ չի, դա ասֆալտ է, որը փռել ենք: Պետք է ստանդարտները փոխել: Պետք է ստենդներ դնենք, որտեղ կա ինֆորմացիա, դա ընդունված բան է. մի ստենդի վրա մի քանի ճանապարհային նշանները դրվում են և հետագա հատվածը թողնվում է ազատ»:
Մանրամասները՝ տեսանյութում
