Վրաստանի նախկին նախագահ Միխեիլ Սաակաշվիլին դատապարտվել է ինը տարվա ազատազրկման:
Նա մեղավոր է ճանաչվել բյուջետային միջոցներիցառանձնապես խոշոր չափերով յուրացմանում կատարելու համար:
Որոշումը հրապարակել է կայացրել է Թբիլիսիի քաղաքային դատարանը։ Միաժամանակ, հատուկ անվտանգության ծառայության նախկին պետ Թեյմուրազ Ջանաշիային էլ դատարանը մեղավոր է ճանաչել պաշտոնեական լիազորությունները չարաշահելու համար և տուգանել 300,000 լարիով։
Սաակաշվիլին և Ջանաշիան նախկինում բազմիցս հերքել են մեղադրանքները՝ ասելով, որ գործընթացը քաղաքական բնույթ է կրում։
Վրաստանի դատախազությունը պնդում է, որ 2009 թվականի մայիսից մինչև 2013 թվականի փետրվար Միխեիլ Սաակաշվիլիի հանձնարարությամբ և կազմակերպմամբ պետական բյուջեից յուրացվել է 9 միլիոն լարի (այն տարիներին շուրջ 5,4 միլիոն դոլար)՝ նրա անձնական նպատակների համար։
Ազատազրկման նոր ժամկետը կհաշվվի Սաակաշվիլիի ձերբակալության պահից՝ 2021 թվականի հոկտեմբերի 1-ից։ Այսպիսով, ըստ դատավճռի, նա ազատ կարձակվի միայն 2030 թվականի հոկտեմբերի 1-ին, սակայն սա՝ միայն այս գործով: Նրա նկատմամբ շարունակվում են դատավարությունները՝ կապված 2007 թվականի նոյեմբերի 7-ի դեպքերի և սահմանի ապօրինի հատման հետ կապված գործերով։
