Ռուսաստանն իր պաշտպանական պլանավորման մեջ հաշվի կառնի Ֆրանսիայի նախագահ Էմանուել Մակրոնի վերջին հայտարարությունները. նրա խոսքում կան «միջուկային շանտաժի նոտաներ», հայտարարել են ՌԴ ԱԳՆ-ում:
Մարտի 5-ին Մակրոնը հայտարարել էր, որ ՌԴ-ն սպառնալիք է դարձել Ֆրանսիայի և Եվրոպայի համար, և այդ կապակցությամբ կոչ էր արել ամբողջ ԵՄ-ն պաշտպանելու համար քննարկել Ֆրանսիայի միջուկային զենքի օգտագործման հնարավորությունը: Նա նշել էր, որ Ուկրաինայի և ՆԱՏՕ-ում առաջատար դերի հարցերում ԱՄՆ-ն փոխել է դիրքորոշումը: Իր հերթին, ՌԴ նախագահի մամուլի քարտուղար Դմիտրի Պեսկովը Ռուսաստանի վերաբերյալ Մակրոնի հայտարարությունն անվանել էր «առճակատման տանող»: Նրա խոսքով՝ Մակրոնի խոսքերում կան շատ անճշտություններ. մասնավորապես, ոչինչ չի ասվում ՆԱՏՕ-ի ռազմական ենթակառուցվածքը «յոթ մղոնանոց քայլերով» դեպի Ռոսաստանի սահման առաջանալու և այդ կապակցությամբ Մոսկվայի լեգիտիմ մտահոգության մասին:
«Բայց, իհարկե, Ֆրանսիայի նախագահի հայտարարածը Ռուսաստանի կողմից հաշվի կառնվի իր պաշտպանական պլանավորման մեջ», — ասված է Ռուսաստանի դիվանագիտական գերատեսչության կայքում հրապարակված հաղորդագրության մեջ:
Նախարարությունում հավելել են, որ Մակրոնի ելույթում հստակ հնչում են միջուկային շանտաժի նոտաներ:
