Իրանի էկոնոմիկայի և ֆինանսների նախարար Աբդոլնասեր Հեմմատիի իմփիչմենթի ենթարկվելուց հետո Իրանի ռազմավարական հարցերով փոխնախագահ Մոհամմադ Ջավադ Զարիֆը հրաժարական է տվել։
Այս մասին հայտնում է Fars լրատվական գործակալությունը։
Նախագահ Մասուդ Պեզեշքիանը դեռ չի ընդունել Զարիֆի հրաժարականը։
Արտաքին գործերի նախարարության նախկին ղեկավարը «X»-ում իր հեռանալը բացատրել է իր հասցեին սպառնալիքներով, զրպարտանքներով և ապատեղեկատվությամբ, նշել, որ ի վերջո, որոշել է վերադառնալ համալսարանական աշխատանքի։
Զարիֆն անցած տարվա օգոստոսի սկզբին ստանձնել է փոխնախագահի պաշտոնը Մասուդ Փեզեշքիանի նախարարների կաբինետում, 10 օր անց հրաժարական տվել, սակայն այդ ամսվա վերջին կրկին դարձել է փոխնախագահ։
Քաղաքական գործիչը 2013-2021 թթ. գլխավորում էր երկրի ԱԳՆ-ն և միջուկային գործարքի հարցով գլխավոր բանակցողն էր։
