Միջազգային հարաբերությունների և անվտանգության մասնագետ Սոսի Թաթիկյանը ֆեյսբուքյան իր էջում գրել է.
Իհարկե, կարող եք ամենայն ագրեսիվությամբ լծվել ինձ հերթական անգամ թիրախավորելու և պիտակավորելու ազգօգուտ աշխատանքին այս գրառման համար, սակայն պետք է գրեմ.
Իրականում հույս ունեմ, որ մենք երեկ Վաշինգտոնում տեղի ունեցածից ճիշտ եզրակացություններ կանենք և ճիշտ դասեր կքաղենք։ Ըստ որում, խոսքս ոչ թե իշխանությունների մասին է, որոնք այդպես էլ անում են վերջին երկու տարում, այլ հանրության։
Ուկրաինայի հետ հիմա տեղի է ունենում այն, ինչ մեր հանդեպ տեղի է ունեցել 2-4,5 տարի առաջ կուլիսների հետևում։ Ինչքան էլ որ դա տխուր է, սակայն այն մեզ նաև հույս է տալիս, որ դրա նոր փուլ մեր հանդեպ կարող է չլինել։
Հիմա պետք է որ ավելի հասկանալի լինի Հայաստանի վերջին երկու տարվա պրագմատիկ ու խաղաղասիրական օրակարգը։ Ներկայիս աշխարհաքաղաքական իրավիճակում այն առավել կիրառելի է դառնում։
Այդ քաղաքականությունն ընդունվել է մեզ ցույց տրվող միջազգային աջակցության համեստ չափն ու բնույթը իրատեսաբար գնահատելու և մեր գոյաբանական վտանգները նվազեցնելու հաշվարկի հիման վրա։
Երկար թեմա է, կփորձեմ մյուս շաբաթ ժամանակ գտնել գրել։
