Պլաստիկ վիրահատության հետևանքով հերթական մահվան դեպքն է գրանցվել Երևանում, այս անգամ՝ «Ուիգմոր» կենտրոնում:
Դեպքի կապակցությամբ «Հայկական ժամանակ»-ին ՀՀ քննչական կոմիտեից տեղեկացրին, որ նախաձեռնվել է քրեական վարույթ՝ Քրեական օրենսգրքի 187-րդ հոդվածի 2-րդ մասի հատկանիշներով (Բուժաշխատողի կողմից մասնագիտական պարտականությունները չկատարելը կամ ոչ պատշաճ կատարելը, որն անզգուշությամբ առաջացրել է մահ կամ ծանր հետևանք):
Մեզ փոխանցեցին, որ նշանակվել է դիակի դատաբժշկական փորձաքննություն, այս պահին կատարվում են անհրաժեշտ ապացուցողական և վարութային գործողություններ:
