Ինչպես հայտնել ենք, ՀՀ վարչապետ Նիկոլ Փաշինյանը ներկա է գտնվել Փոքր Վեդի համայնքում շահագործման հանձնված նոր դպրոցի բացման արարողությանը:
Վարչապետը սոցցանցերի իր էջերում նոր տեսանյութ է հրապարակել դպրոցում իրականացրած շրջայցից:
Վերջինս ԿԳՄՍ նախարար Ժաննա Անդրեասյանի և դպրոցի տնօրենի հետ շրջել է դասասենյակներով ու կաբինետներով, ծանոթացել մարզադահլիճի, ներառական կրթության սենյակի պայմաններին: Վարչապետը նաև կարճ զրույց է ունեցել մի քանի աշակերտի հետ, հետարքրվել ապագայի հետ կապված նրանց ցանկություններով:
Տղաներից մեկը հայտնել է, որ ցանկանում է ըմբշամարտիկ դառնալ, ի պատասխան՝ Նիկոլ Փաշինյանը հորդորել է լավ սովորել, հատկապես՝ օտար լեզուներ:
«Ըմբշամարտիկ դառնալու համար էլ պետք է լավ սովորել»,- ասել է նա:
Առավել մանրամասն՝ տեսանյութում:
