Հակակոռուպցիոն կոմիտեում քննվող քրեական վարույթի շրջանակում փետրվարի 5-ին ձերբակալված 8 անձանցից 4-ի նկատմամբ կալանքը որպես խափանման միջոց կիրառելու միջնորդություններ են ներկայացվել դատարան, որոնք բոլորն են բավարարվել են։
Այս մասին «Հայկական ժամանակ»-ին հայտնեցին Հակակոռուպցիոն կոմիտեից՝ հավելելով, որ կալանավորված չորս անձանցից երկուսը քաղաքապետարանի պաշտոնատար անձինք են:
Ինչպես ավելի վաղ տեղեկացրել ենք, փետրվարի 5-ին ձերբակալվել են Երևանի քաղաքապետարանի աշխատակիցներ։
«Հայկական ժամանակ»-ի հետ զրույցում Հակակոռուպցիոն կոմիտեից տեղեկացրել են, որ քաղաքապետարանում քննչական գործողություններն իրականացվել են կոմիտեում քննվող քրեական վարույթի շրջանակներում:
