ՀՀ վարչապետ Նիկոլ Փաշինյանը շնորհավորել է Բելգիայի նորընտիր վարչապետ Բարտ դե Վեվերինին:
«Շնորհավորում եմ Բարտ դե Վեվերին Բելգիայի վարչապետի պաշտոնում նշանակվելու կապակցությամբ և մեր բոլոր բելգիացի գործընկերներին՝ կոալիցիոն բանակցությունների հաջող ավարտի համար: Ակնկալում ենք Հայաստան-Բելգիա բարձր մակարդակի քաղաքական երկխոսության ամրապնդում և բազմակողմանի կապերի խորացում»,- X-ի իր միկրոբլոգում գրել է Նիկոլ Փաշինյանը:
Բելգիայի նախարարների նոր կաբինետի հարցով բանակցություններն ընթացել են մոտ 8 ամիս և ավարտվել հինգ կուսակցության կոալիցիայի մասին համաձայնագրով:
