ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է ԱՄՆ Պետդեպարտամենտի գաղտնազերծած փաստաթղթերին, որոնք վկայում են՝ 90-ականների վերջին Ռոբերտ Քոչարյանն ու Հեյդար Ալիևը տետ ա տետ՝ առանց միջնորդների, համաձայնության էին եկել լուծել Ղարաբաղյան խնդիրը տարածքների փոխանակմամբ՝ Մեղրին Ղարաբաղի դիմաց։
«Քոչարյանները փաստացի ընդունում են, որ քննարկվել է Մեղրիի փոխանակման հարցը։
Պարզապես չեն կողմնորոշվում՝ ճիշտ էր Մեղրին տալը, թե ոչ։
Կրտսեր Քոչարյանը լծվել է հոր արդարացմանը։
1) Մեկ արդարացնում է Մեղրիի փոխանակումը՝ հիմնավորելով, թե այդպես ԼՂ-ն կդառնար Հայաստանի մաս։
2) Մեկ հպարտանում է, որ արդյունքում Մեղրին չփոխանակվեց։
Կողմնորոշվեք, հիմա Մեղրին փոխանակելը ճի՞շտ էր, թե՞ չէ։
Այլևս փաստ է, որ քննարկվել է Մեղրրի փոխանակումը։
Ինչ վերաբերում է բանակցային փաստաթղթերի գաղտնազերծմանը, Լևոն Քոչարյանը դա կարող է պահանջել սեփական հորից։ Հատորներով գիրք գրող Քոչարյանը վստահ եմ՝ տիրապետում է բանակցային փաստաթղթերին։ Ձեռնտու լիներ՝ վաղուց էր հրապարակել»,- գրել է Չախոյանը։
«Ազատություն» ռադիոկայանը հրապարակել է ԱՄՆ Պետդեպարտամենտի գաղտնազերծած փաստաթղթերը, որոնք վկայում են՝ 90-ականների վերջին Ռոբերտ Քոչարյանն ու Հեյդար Ալիևը տետ ա տետ՝ առանց միջնորդների, համաձայնության էին եկել լուծել Ղարաբաղյան խնդիրը տարածքների փոխանակմամբ՝ Մեղրին Ղարաբաղի դիմաց։ Ամերիկյան գաղտնի հեռագրերը բացահայտում են մանրամասներ, որոնք մինչ այս երբեք չեն հրապարակվել։
