«Ցեղասպանության ժխտումը կամ հերքումը ՀՀ-ում քրեական հանցագործություն է, քրեական օրենսգրքով նախատեսված արարք է»:
Այս մասին Կարեն Դեմիրճյանի անվան մարզահամերգային համալիրում հրավիրած ասուլիսի ժամանակ հայտարարեց ՀՀ վարչապետ Նիկոլ Փաշինյանը։
«Ցեղասպանության փաստը անքննելի է և անժխտելի։ Ընդհանրապես, զարմանալ կարելի է, թե ինչպես որևէ մեկին կարելի է մեղադրել Ցեղասպանությունը ուրանալու համար, երբ նա երևույթի մասին խոսելիս ասում է՝ Ցեղասպանություն, ոչ թե ուրիշ բառեր, այլ ասում է՝ Ցեղասպանություն։ Նման մի դեպք էլ եղել էր կա՛մ 2023, կա՛մ 2024 թվականին, երբ Ապրիլի 24-ի իմ ուղերձից հետո աղմուկ բարձրացավ, այնքան ուժեղ աղմուկ էր, որ ես ինքս բացել ու նորից կարդացել եմ իմ ուղերձը, չեմ վստահել ոչ մեկին, ու դրանից հետո ասել եմ՝ ինչո՞ւ չենք արձագանքում, հարգելիներս, շատ հստակ աներկբա, անքննելի ձևով արձանագրված է իրողությունը»,- ասաց նա։
ՀՀ վարչապետը անդրադարձավ նաև հունվարի 24-ին շվեյցարահայ համայնքի մի խումբ ներկայացուցիչների հետ հանդիպմանն արված հայտարարությանը։
Նա նկատեց․ «Խոսքը լրիվ ուրիշ բանի մասին է, որ Ցեղասպանությունը արդյոք մեզ չպետք է դրդի, որ մենք մի հատ էլ անդրադառնանք աշխարհը ընկալելու մեր բանաձևին, կարող է իրողությունները դարասկզբին էլ, այսօր էլ ճշգրիտ չենք ընկալում, կարող է չափից ավելի մեծ հույս ենք դնում արտաքին քաջալերումներին, խրախուսումներին, կարող է լավ չենք հաշվարկում այդ ազդակների նկատմամբ մեր վերաբերմունքը․ այս հարցը հրատապ է այսօր»։
Առավել մանրամասն՝ տեսանյութում։
