ԲՀԿ առաջնորդ Գագիկ Ծառուկյանի որդու մասնակցությամբ ամիսներ առաջ Ծաղկաձոր քաղաքում գործող խաղատանը զենքի գործադրմամբ կատարված խուլիգանության և բացահայտ հափշտակության գործից մանրամասներ է ներկայացրել գործը հսկող դատախազը:
«Լուրեր»-ի հետ զրույցում Կոտայքի մարզի դատախազի տեղակալ Գոռ Խանզադյանն ասել է, որ դեպքի օրը Նվեր Ծառուկյանն իր անվտանգության աշխատակիցների հետ գնացել է նշված խաղատուն, կատարել խաղադրույքներ, որից հետո վիճաբանել է խաղատան աշխատակիցների հետ, վնասել գույքը, այնուհետ կայանատեղիում և բակային հատվածում արձակել է մի քանի կրակոց և հեռացել:
Ըստ Գոռ Խանզադյանի, Ծառուկյանի որդու անվտանգության աշխատակիցները բացահայտ հափշտակել են խաղատան տեսախցիկների ձայնագրությունը՝ միջադեպի հանգամանքները թաքցնելու նպատակով:
Առավել մանրամասն՝ տեսանյութում:
