Վրաստանի ՆԳՆ աշխատակիցները Թբիլիսիում ձերբակալել են ադրբեջանցի լրագրող Աֆղան Սադիգովին: Այս մասին գրում է «Հրապարակը»։
Այս մասին հայտնել է լրագրողի կինը՝ Սեւինջ Սադիգովան։ Փաստաբան Ռուֆաթ Սաֆարովն իր հերթին հայտնել է, որ Ադրբեջանի իրավապահ մարմինները Սադիգովի դեմ քրեական գործ են հարուցել սպառնալիքների և շորթման փաստերով, գրում է Qafqazinfo-ն։
Ավելի վաղ նրա նկատմամբ միջազգային հետախուզում էր հայտարարվել: Սպասվում է, որ նա կարտահանձնվի Ադրբեջանին։ Նշվում է, որ Աֆղան Սադիգովը նախկինում ևս քրեական պատասխանատվության էր ենթարկվել սպառնալիքների և շորթման համար։
