Գերմանիան ցանկանում է, որ Վրաստանը միանա Եվրամիությանը (ԵՄ), սակայն դրա համար Վրաստանը պետք է համապատասխանի չափանիշներին: Այս մասին հայտարարել է Վրաստանում Գերմանիայի դեսպան Պետեր Ֆիշերը։
Նա նշել է, որ ԵՄ-ին միանալու գործընթացը դադարեցվել է հենց Վրաստանի կառավարության կուրսի պատճառով։ Դեսպանը հավելել է, որ Գերմանիան Վրաստանի նկատմամբ նոր ֆինանսական պարտավորություններ չի ստանձնի և չեղարկել է մասնակցությունը Noble Partner զորավարժություններին։
Վրաստանում Գերմանիայի դեսպանը հավելել է, որ Բեռլինը դիտարկում է այլ քայլեր ևս Վրաստանի նկատմամբ:
Պիտեր Ֆիշերը հայտարարել է, որ Գերմանիան ԱՄՆ-ի հետ միասին եղել է Վրաստանի զարգացման խոշորագույն դոնորը։
«Մենք հետևում ենք իրավիճակին և համապատասխան որոշում կկայացնենք»,- ասել է Ֆիշերը:
Գերմանիայի դեսպանն ընդգծել է, որ որոշումներն ընդունվել են վրացական իշխանությունների՝ արևմտամետ կուրսից շեղվելու, իսկ ավելի ճիշտ՝ ԵՄ-ի սկզբունքներին հակասող կառավարության ընդունած որոշումների և հակաեվրոպական հռետորաբանության պատճառով:
