Հայաստանում Ռուսաստանի դեսպան Սերգեյ Կոպիրկինը, ով Մոսկվա էր կանչվել խորհրդակցությունների, վերադարձել է Երևան։
Այս մասին «ՌԻԱ Նովոստի»-ին հայտնել է ՌԴ փոխարտգործնախարար Միխայիլ Գալուզինը։
«Սերգեյ Պավլովիչը մասնակցել է խորհրդակցությունների և, որքան ես գիտեմ, նա արդեն Երևանում է»,- գործակալությանը ասել է Միխայիլ Գալուզինը։
Զրուցակիցն ընդգծել է, որ «դեսպանին խորհրդակցությունների կանչելը բացարձակ ստանդարտ ընթացակարգ է, որը բավականին հաճախ է կիրառվում։
Ինչպես ավելի վաղ հայտնել էինք, Հայաստանում Ռուսաստանի դեսպան Սերգեյ Կոպիրկինը խորհրդակցությունների համար կանչվել էր Մոսկվա:
ՌԴ ԱԳ նախարար Սերգեյ Լավրովը մեկնաբանելով Երևանից դեսպանին կանչելու տեղեկությունը, նշել էր, որ դեսպանները պարբերաբար գնում են խորհրդակցությունների։
