Գալստանյանը ոլորտային ներկայացուցիչների հետ հանդիպումների շարք է սկսել։ Առաջին հայացքից մեծ խորագրերով հանդիպումները, սակայն, մեծամասամբ ձախողվում են։
Այստեղ, օրինակ, հանդիպումը ներկայացված է որպես «հանդիպում ՏՏ ոլորտի ներկայացուցիչների հետ», սակայն ՏՏ ոլորտի անվանի ներկայացուցիչներից ոչ ոքի կադրերում չեք գտնի, դրա փոխարեն ներկա են երիտասարդներ, որոնց մի մասը զանգերի կենտրոնի փորձնակ է, օրինակ։
Մենք, իհարկե, մեծագույն հարգանքով ենք վերաբերվում այդ աշխատակիցներին և առհասարակ ցանկացած աշխատանք կատարող մարդու, բայց թե ինչքանո՞վ է այդ հանդիպումը տեղավորվում ՏՏ ոլորտի ներկայացուցիչների հետ հանդիպման խորագրի տակ՝ դժվար է ասել։
