Հունիսի 28-ին Իրանում տեղի կունենան արտահերթ նախագահական ընտրություններ։
Այս մասին հայտարարել է Իսլամական Հանրապետության Ընտրական շտաբի մամուլի քարտուղար Մոհսեն Էսլամին։
Ըստ Էսլամիի՝ Սահմանադրության պահապանների խորհրդին խնդրել են, որ թեկնածուների գրանցումը սկսվի մայիսի 28-ից։
Ինչպես հայտնել էինք, Իրանի նախագահ Էբրահիմ Ռաիսիին տեղափոխող ուղղաթիռը կոշտ վայրէջք էր կատարել Իրան-Ադրբեջան սահմանի մոտ։
Ուղղաթիռի բոլոր ուղևորներն ու անձնակազմի անդամները՝ թվով 9 մարդ, զոհվել են։
Օդանավում Իրանի նախագահի հետ են եղել արտաքին գործերի նախարար Հոսեյն Ամիր Աբդոլլահիանը, Արևելյան Ադրբեջանի նահանգի նահանգապետ Մալեք Ռահմատին և Թավրիզ քաղաքի ուրբաթօրյա իմամ Մոհամմադ Ալի Ալե Հաշեմըև այլ պաշտոնյաներ:
