«Շերեմետևո»-ում այրված ինքնաթիռի բորտուղեկցորդը մահացել է՝ փրկելով ուղևորներին։ Այս մասին հաղորդում է «Вести»-ն։
Աղբյուրի փոխանցմամբ՝ ականատեսները պնդում են, որ նա մինչև վերջին պահը դուրս է բերել ուղևորներին այրվող ինքնաթիռից։
Ավելի վաղ հայտնել էինք, որ Մոսկվա-Մուրմանսկ չվերթն իրականացնող SSJ-100 ինքնաթիռը բռնկվել է «Շերեմետևո» օդանավակայանում արտակարգ վայրէջք կատարելիս:
Այս պահի դրությամբ կա առնվազն 13 զոհ և 6 տուժած։ Զոհերի թվում 2 երեխա կա։
SSJ-100-ի վթարի պատճառով Մոսկվայի օդանավակայաններում ավելի քան 100 չվերթ է հետաձգվել կամ չեղարկվել։
