«Վարչապետը ռուսերեն ճիշտ է արտահայտվել, թեման փակելու ժամանակն է». Էդմոն Մարուքյան

Լուսավոր Հայաստան կուսակցության նախագահ Էդմոն Մարուքյանը ֆեյսբուքյան իր էջում գրել է․

Նոր դիտեցի ԵԱՏՄ նիստի աղմկահարույց տեսանյութը:

Մեր վարչապետը ռուսերեն ճիշտ է արտահայտվել, ՌԴ վարչապետն էլ նրան չի ծաղրել: Կարծում եմ, բոլորս պրովոկացիայի ենք տրվել և անիմաստ հակառուսական տրամադրություններ ենք հրահրում:

Թեման փակելու ժամանակն է:

Հիշեցնենք, որ  ՀՀ վաչապետ Նիկոլ Փաշինյանն իր ֆեյսբուքյան էջում նոր գրառում է կատարել՝ մանրամասնելով այսօրվա միջադեպը.

Նոր մի պահ մտնում եմ ֆեյսբուք ու աչքերիս չեմ հավատում, որ կոռուպցիոն համակարգի մնացորդները այսքան հեշտությամբ կարող են փոթորիկ առաջացնել սոցիալական ցանցերում։

ԵԱՏՄ միջկառավարական խորհրդի նիստին ոչ միայն ՌԴ վարչապետ Դմիտրի Մեդվեդեւը, այլեւ մենք բոլորս հույս ունեինք, որ րոպե առաջ перейдем սուրճի սենյակ, որովհետեւ բոլորս ահավոր հոգնել էինք ու սուրճ էինք ուզում։ Աշխատանքները նախատեսվածից երկուսուկես ժամ ավել տեւեցին։

Իսկ նախորդ օրվա մեր շփումը բոլոր հիմքերը տվել էր ոչ աշխատանքային հատվածին անհամբեր սպասելու։ Էս ամենը պիտի ասվի՞, չեմ հասկանում։