Ադրբեջանի էքսպանսիոնիստական նկրտումները Հայաստանի Հանրապետության նկատմամբ պետական ծրագրավորված բնույթ են ստանում։
Պետության հովանու ներքո գործող APA.az գործակալությունը «Ճանաչիր Արևմտյան Ադրբեջանը» վերտառությամբ նոր շարք է սկսում, որում որպես «Արևմտյան Ադրբեջան» են ներկայացվում ներկայիս Հայաստանի Հանրապետության տարածքները։
Ըստ APA-ի, շարքի նպատակն է ծանոթացնել ադրբեջանցիներին, հատկապես նրանց մատաղ սերդնդին «Արևմտյան Ադրբեջանի» մշակույթի, ավանդույթների և պատմության հետ։ Շարքի առաջին «ռեպորտաժը» «նվիրված է» Կապանին, որը APA-ն ներկայացնում է, որպես «Գաֆան» և այնտեղ գտնվող հայկական սրբավայրերին։
APA-ին հյուրընկալած ոմն «պրոֆեսոր» Բայրամով, ով, ըստ գործակալության, ծագումով «Գաֆանից» է, պնդում է, որ Կապանում գտնվող հայկական սրբավայրերը «բնավ էլ հայկական չեն, այլ հին ալբանական են»։
