Ադրբեջանի և Իսրայելի նախագահներ Իլհամ Ալիևը և Իցհակ Հերցոգը հեռախոսազրույցի ընթացքում քննարկել են Թեհրանում Ադրբեջանի դեսպանատան վրա հարձակումը։
Այս մասին հայտնում է Ադրբեջանի ղեկավարի մամուլի ծառայությունը։
«Իսրայելի նախագահը հեռախոսազրույցի ընթացքում դատապարտել է Թեհրանում Ադրբեջանի դեսպանատան դեմ իրականացված ահաբեկչությունը, ցավակցություն հայտնել դեսպանատան անվտանգության ծառայության ղեկավարի մահվան կապակցությամբ»,- ասված է հաղորդագրությունում։
Ալիևը նաև ցավակցություն է հայտնել իր իսրայելցի գործընկերոջը և Երուսաղեմում տեղի ունեցած ահաբեկչության զոհերի ընտանիքներին։
