ՆԱՏՕ-ին Շվեդիայի անդամակցության գործընթացը կասեցվել է այնտեղ Ղուրանն այրելուն և նախագահ Ռեջեփ Թայիփ Էրդողանին քննադատող ցույցերին Թուրքիայի արձագանքի պատճառով: Այս մասին հայտարարել է Շվեդիայի արտաքին գործերի նախարար Թոբիաս Բիլստրյոմը։
Միևնույն ժամանակ նա հույս է հայտնել, որ արդեն ամռանը Շվեդիան կդառնա դաշինքի անդամ:
Նախարարի խոսքով՝ առանց ստորագրված հուշագրի դրույթները կյանքի կոչելու՝ Շվեդիան իր պարտավորությունները կատարած չի լինի, ուստի երկրի կառավարությունը աշխատանքներ է տանում այդ ուղղությամբ:
