Ես միշտ դեմ եմ եղել նոր կուսակցություններին, փորձել եմ ճանապարհ գնալ Դեմոկրատական կուսակցության հետ, չստացվեց, միացա Ալյանս կուսակցությանը, աշխատեցինք չորս ամիս, այնպես ստացվեց՝ մեր ճանապարհներն իրար հետ չգնացին: Դրա համար ամբողջ կյանքում հույսս դրել եմ ինձ վրա, շարժվել եմ ինձնով, շնորհակալ եմ ծնողներիս, որ աճեցրել են ինձ: Այս մասին լրագրողների հետ զրույցում ասաց Տիգրան Արզաքանցյանը՝ հավելելով, որ նոր ուժ են ստեղծում՝ ծանր դարաշրջանում իրենց ուժերով դեպի լաբը փոփոխություններ կատարելու համար:
Արզաքանցյանը նշեց, որ չի ցանկանում դառնալ այն 91 կուսակցություններից, որոնք միշտ խոսել են, իրենց խոսքերը չեն կատարել, ինքը՝ որպես գործի մարդ՝ չի ուզում բարձր խոսքեր ասել, միայն ուզում է նշել, որ այսօրվա ծանրագույն իրավիճակն է իրեն ստիպել բացել կուսակցություն:
Ինչ վերաբերում է իրենց կուսակցության տեսլականին, համաձայն որի՝ հայոց սահմանների հարցը պետք է կարգավորվի, Արզաքանցյանը նշեց՝ նախ պետք է պարզել, թե որն է մեր սահմանները, թուրքն այսօր որտեղ մտնում է, ասում է՝ իրենցն է: Արզաքանցյանը նշեց, որ մենք մոռանում ենք, որ ունեցել ենք Արևմտյան Հայաստան, մեր սահմանները մինչև Սև ծովն է, պետք է վերադառնանք մեր իսկական սահմանին, մենք պետք է պահանջենք վերադարձնել մեր հողերը, մենք տալու ոչ մի բան չունենք:
