Եվրոպայում ծայրահեղ տաք եղանակը ռեկորդներ է սահմանել. անոմալ շոգը հարյուրավոր մարդկանց մահվան պատճառ է դարձել: Մարդիկ ստիպված են փախչել անտառային հրդեհներից:
Ֆրանսիայի հարավ-արևմուտքում ավելի քան 14 հազար մարդ Է տարհանվել։ Զբոսաշրջիկների շրջանում ժողովրդականություն վայելող Ժիրոնդան դատարկվել է իր այցելուներից: Լրջությամբ երկրորդն, այսպես կոչված, վտանգի նարնջագույն մակարդակ է հայտարարվել Ֆրանսիայի 96 շրջաններից 38-ում:
Իսպանիայի Միխաս մունիցիպալիտետում ավելի քան երեք հազար մարդ է լքել իրենց տները՝ փրկվելով նույնանուն բլուրներում բռնկված հրդեհներից, սակայն ոմանց հաջողվել է հետո վերադառնալ: Միխասը գտնվում է զբոսաշրջիկների մոտ հայտնի Մալագայից ոչ հեռու, և հայտնի հանգստավայր է:
Իտալիայում կառավարությունը արտակարգ դրություն Է հայտարարել երկրի ամենաերկար գետի ՝ ցամաքած Պո հովտում, որը որոշ վայրերում չդադարող տապի պատճառով վերածվել է առուների:
Պորտուգալիայում Այս տարի հրդեհներն արդեն ոչնչացրել են 30 հազար հեկտար անտառ, հիմնականում ՝ երկրի հյուսիսում։ Սա 2017-ի ամռանից ի վեր հրդեհների ամենամեծ վնասն է հասցվել։
Լուրջ իրավիճակ է ստեղծվել ամբողջ Միջերկրածովյան, Մարոկկոյից դեպի արևմուտք, ապա Կրետեյի Արևելքում ։
Անտառային հրդեհներ են բռնկվել նաև Թուրքիայի հարավ-արևմուտքում և Խորվաթիայի Ադրիատիկ ծովի ափին գտնվող որոշ վայրերում:
