Ռուսաստանի նախագահ Վլադիմիր Պուտինը օրենք է ստորագրել, որը հակառակորդի կողմը անցնելը հավասարեցնում է պետական դավաճանության հետ։ Փաստաթուղթը հրապարակվել է իրավական տեղեկատվության պաշտոնական ինտերնետային պորտալում հուլիսի 14-ին։
Ռուսաստանի Դաշնության շահերին հակառակ արտերկրում զինված հակամարտությանը կամ ռազմական գործողություններին ռուսների մասնակցության համար կարող է սպառնալ մինչև 20 տարվա ազատազրկում մինչև 500 հազար ռուբլի տուգանքով:
Բացի այդ, պատիժը կկիրառվի լրտեսության, պետական գաղտնիք կազմող տեղեկատվության տրամադրման, Ռուսաստանի Դաշնության անվտանգության դեմ ուղղված գործողություններում օտարերկրյա պետությանը նյութական, տեխնիկական և այլ օգնություն ցուցաբերելու դեպքում։
