Լյովա Եղիազարյանը ֆեյսբուքյան իր էջում գրել է․
«Իշխան Սաղաթելյանը այնքան անխելք չի,որ չհասկանա,թե ինչ հետևանքներ կարող է ունենալ իրեն պաշտոնից զրկելը,ինչքան էլ փորձի թաքցնել իր տագնապները։
Նա լավ հասկանում է,որ գլխավոր դատախազին ավելի դյուրին է շարքային պատգամավորին քրեական հետապնդման թույլատրություն խնդրել ԱԺ-ից,քան ԱԺ նախագահի տեղակալին։
Ես կարծում եմ,որ հերթական նիստերը սկսելուն պես,գլխավոր դատախազը միջնորդությամբ կմտնի Ազգային ժողով,արդեն պատգամավոր Իշխան Սաղաթելյանի նկատմամբ քրեական հետապնդում իրականացնելու;
Այս կարծիքը ինձ մոտ ձևավորվել է նաև ԱԺ ամբիոնից Իշխան Սաղաթելյանին պաշտոնանկ անելու հիմնավորումները լսելուց հետո;Այնտեղ Իշխանին վերագրվեցին արարքներ,որոնք քրեորեն պատժելի են և բավարար են,որպեսզի նրա նկատմամբ քրեական գործ հարուցվի։
Հուսով եմ,որ իրավապահ մարմինները պատգամավորի ԱԺ-ում արված հիմնավորումները կդիտարկեն որպես հաղորդում հանցագործության մասին ու համապատասխան գործընթաց կսկսեն»։
