Այսօր առավոտյան Կիևի ուղղությամբ արձակված հրթիռները պայթել են Ադրբեջանի դեսպանատան մոտ։
Կիևում ադրբեջանցի դիվանագետները հայտնել են, որ հրթիռներն ընկել են դեսպանատնից մի քանի տասնյակ մետր հեռավորության վրա և լուրջ վնաս են հասցրել շենքին։
Դեսպանատան շենքում ուժեղ պայթյունի ալիքից պատուհանները փշրվել են, պատերին ճաքեր են առաջացել։ Նշենք , որ սա առաջին դեպքը չէ, երբ Կիևի գնդակոծության հետևանքով վնասվում է հենց Ադրբեջանի դեսպանատունը։
Դեսպանատունը գտնվում է բլրի վրա, փորձագետները պետք է պարզեն, թե ինչպես է հրետակոծությունն ազդել սեյսմակայունության վրա:
Պատերազմի մեկնարկից առաջ Ադրբեջանի դեսպանատան շենքը վերանորոգվել էր։
