«Հիմա հայտնվել է Ժիրիկ Լուսավորիչը , որ հիմա էլ սա ավերի, քանդի, ոչնչացնի այս 1700 տարվա ստեղծածը ու ստեղծի նորը». Տիգրան Սիմոնյանը` Ժիրայր Սեֆիլյանի մասին

Տիգրան Սիմոնյանը գրում է.

Առաջիկայում զրոյից ստեղծելու ենք մեր երազած Հայաստանը ( Ժիրայր Սեֆիլյան ) ։ Աչքիս մի նոր Գրիգոր Լուսավորիչ ենք ունենալու ‘ ոչնչացնել ամեն ինչ , հողին հավասարեցնել գեր զարգացած մի մշակույթ , որպեսզի ստեղծվի նորը ։ Եվ այս ամենը հանուն ինչի , ոչ ոք այդպես էլ գլխի չնկավ , չիմացավ ։ Ու գնաց 1700 տառապալից տարիներ , նորը ստեղծելու , հինն էլ պեղելու , որոնելու , գտնելու , գոնե դրանով ուրախանալու համար ։

Խեղճ Մաշտոցը իր մինուճար կյանքը վատնեց Գրիգորի ոչնչացրած գիր ու գրականությունից գոնե տառերը վերականգնելու համար ։ Հիմա հայտնվել է Ժիրիկ Լուսավորիչը , որ հիմա էլ սա ավերի , քանդի , ոչնչացնի այս 1700 տարվա ստեղծածը ու ստեղծի նորը ։ Եվ ինչ է ստեղծելու , ումով է ստեղծելու , ինչ նպատակով է ստեղծելու , ոչ ոք չգիտի , բայց որ կքանդի հիմնահատակ , դա հաստատ , վստահ եմ ։ Նա դրա հրաշալի փորձն արդեն ունի ։

Ուղակի Լուսավորիչ բառն է մեղք և ինչու Լուսավորիչ , եթե ոչ Քանդիչ ։