ԱԺ նախկին պատգամավոր Արման Բաբաջանյանը գրում է.
«Այսօր առավոտից ակտիվացած Ալիևին ակնհայտորեն անհանգստացրել է Երևանի Ֆրանսիայի հրապարակում Հայաստանի խորհրդարանական ընդդիմության բողոքի ակցիաները դադարեցնելու նախօրեին կայացրած որոշումը։
Ալիևը ինքն էլ մասնակցում էր Ֆրանսիայի հրապարակի ցույցերին։ Նրա «աշխարհացունց» մտքերը, սպառնալիքները հնչում էին Երևանի կենտրոնում անցկացվող ցույցերի և երթերի ժամանակ։ Ալիևը ուզածի չափ լարված էր պահում ներհայաստանյան քաղաքական իրավիճակը։
Ընդդիմադիր առաջնորդներն ամենայն պատրաստակամությամբ նրա հայտարարություններն ընդունում էին որպես կայացած փաստ, վերջին ճշմարտություն՝ դրանք հիմք դարձնելով իշխանությանը քննադատող ելույթների, հայտարարությունների և հարցազրույցների համար»։
