«Դիմադրություն» շարժումը այսօր կրկին անհնազանդության հերթական ակցիան է իրականացնում:
Առավոտյան նրանք հավաքվել են Ֆրանսիայի հրապարակում և երթով շարժվել դեպի դատախազության շենքի մոտ, որից հետո երթը հասել է ԱԳՆ շենք:
«Դիմադրություն» շարժման ղեկավարներից Իշխան Սաղաթելյանը երթի մասնակիցներին կոչ է արել ոստիկանների հետ կոնֆլիկտ չհրահրել, քանի որ իրենց միակ նպատակը նախարարների հետ պատգամավորների հանդիպումն է, որպեսզի հասկանան նրանց դիրքորոշումը Արցախի հարցի կարգավորման վերաբերյալ:
Ոստիկանության ներկայացուցիչը խոստացել է, որ ընդդիմադիրների պահանջը կփոխանցեն նախարարներին:
Այնուհետ Սաղաթելյանը հայտարարել է, որ այսօր շենքեր չեն շրջափակելու։
Այնուհետ «Դիմադրության» աջակիցները կարճ ժամանակով կանգ են առել Ռադիոտան մոտ, ապա երթը կանգ է առել ԵՊՀ-ի մոտ։
Ոստիկանները փակել էին համալսարանի մուտքն ու բանակցություններից հետո միայն պատգամավորներին թույլ տվեցին ներս մտնել։Լրագրողները մնացին դրսում։
Ոստիկանության ներկայացուցիչը պատգամավորներին հայտնեց, որ ԵՊՀ ռեկտորը պատրաստ է նրանց ընդունել, սակայն շենքում պատգամավորներին տեղեկացրին, որ ռեկտորը տեղում չի։
Ո՞ւր կգնան հետո ,ում կփրկեն …սպասենք ։
