Կարկառուն դաշնակցականներից Հրանտ Մարգարյանը ևս հեռվից էր հետևում կարգազանց ցուցարարներին՝ փորձելով անմասն մնալ նրանց խուլիգանական գործողություններին:
Այսօր Կառավարության 3-րդ մասնաշենքի դիմաց տեղի ունեցած հասարակական ակցիայի ընթացքում մի խումբ անձինք բախում են հրահրել հասարակական կարգի պահպանություն իրականացնող ոստիկանության ծառայողների հետ, ինչի հետևանքով ոստիկանության զորքերի 2 ծառայող տեղափոխվել է բուժհաստատություն։
Այս մասին նշվել է ոստիկանության տարածած հայտարարության մեջ։
«5 անձ խուլիգանություն կատարելու կասկածանքով բերման են ենթարկվել ոստիկանության Կենտրոնական բաժին:
Կրկին հորդորում ենք, հասարակական ակցիաների ընթացքում դրսևորել բացառապես իրավաչափ վարքագիծ և ենթարկվել ոստիկանության ծառայողների օրինական պահանջներին»,-նշել են նրանք։
