Ինչպես ավելի վաղ հայտնել էինք, քաղաքական ընդդիմության հավաքներին ուսանողների մասնակցության համար նյութապես շահագրգռելու կասկածանքով ձերբալվել էր Երևան քաղաքի բնակիչ Ավետիք Չալաբյանը։
Հիշյալ դեպքի վերաբերյալ 2022 թվականի մայիսի 9-ին լրատվական կայքերից մեկում ձայնագրություն է հրապարակվել՝ «1000 դրամ յուրաքանչյուր ուսանողի համար, Ագրարային համալսարանի դատասխոսը դրդում է ուսխորհրդի նախագահին գումարի դիմաց կազմակերպել, որպեսզի ուսանողները մասնակցեն ընդդիմության հավաքներին՝ յուրաքանչյուր ուսանողի դիմաց առաջարկելով 1000 դրամ» վերտառությամբ:
Կատարված նախաքննությամբ պարզվել է, որ ենթադրյալ հանցագործությունը կատարած անձինք քաղաքական ընդդիմության կողմից կազմակերպվող հավաքներին մասնակցելու և որոշակի գործողություններ կատարելու դիմաց Հայաստանի ազգային ագրարային համալսարանի ուսանողական խորհրդի նախագահին նյութապես շահագրգռել են՝ առաջարկելով երկու հազար ուսանողի հավաքներին ներգրավելու դիմաց տրամադրել 2.000.000 ՀՀ դրամ գումար:
Մեր տեղեկություններով դատարան միջնորդություն է ներկայացվել, որպեսզի ուսանողին կաշառք առաջարկողին դատարանն ազատ արձակի։ Ի դեպ, մեր տեղեկություններով ուսանողին կաշառք առաջարկող Ավետիք Չալաբյանի համար միջնորդում է Արցաի նախագահ Արայիկ Հարությունյանն ու Ազգային ժողովը։
